好無聊，又來寫下Blog

好無聊，不如黎寫下流水帳式既日記。

起身，刷牙，洗面，著衫，出門口，坐車，食早餐，返工，食lunch，返工，放工，坐車，返屋企，上網，食飯，睇書／打機／無聊／發牛豆／MSN，訓覺。

嘩，Ｄ生活正到呢，Ｄ趣味多到呢，瀉晒出黎咁滯呀陰功。

最攞命既係，點解返工呢樣霸佔成九個小時既活動，無比到我過左九個小時既感覺既？貨不對辦，我可唔可以大嗌回水呀？

妖，青春就係咁樣被白費架啦！


活在新時代，應該要有新時代的思想。

大學應該找些人研究（或被研究）如何更有效地善用時間　－　人生最寶貴的資源，以免浪費。我咁無聊，都想睇下其他人係咪咁無聊架ma，有個伴，無咁悶既。

探訪獨居老人。其實，我建議，可以黎探訪下我架啫？好好玩架，可以一齊研究下國家大事，例如，如何「策略性」地放一個唔響既臭屁。好勁，任何事冠上「策略性」呢三個字，即刻勁左三百倍，萬試萬靈。

睇書睇到我傻左。放心，我會自然痊癒，唔使Call 山頂精神科住。


不如又開個blog比大家睇，如何？

大家一齊研究下無聊野，好似會幾好玩咁。