我身體好健康架！

時間回到中學時代，有一位呀Sir，很喜歡強調自己身體好好。

有同學說要上廁所，他會先現出一個驚訝的表情，然後對那位同學說：「吓！你唔係咁潺呀ma，咁後生就腎虧？（全班同學大笑）你睇下我，我邊使去廁所去得咁頻（眾人掩面暗笑，然後呀sir 作難為狀）。唉，好啦好啦，快Ｄ去啦，唔係賴左就麻煩啦！」

又，冬天上課時，這位呀sir 幾乎在每堂課一開始時就說：「今日天氣好凍呀下！各位同學要著多幾件衫。我呢，都著多左幾件衫，不過唔係好多，我著左三件衫啫（狀甚自豪）。」全班同學登時目定口呆，鴉雀無聲－因為，此時此刻，此情此景，誰都不應該打破這一片沉默。

每次看見長輩對後輩強調自己身體好好時，我都不自覺地搖頭歎息。我意會到，長輩這樣說，顯示他真的老了。

遺憾矣。天氣轉涼，鼻敏感發作，噴嚏打個不停。這時候，家中長輩對我說，「你咁後生都咁潺架！你睇下我，幾強壯。」

另一長輩接著說，「我游完冬泳（暖水池），乞痴都唔會打一個呀！你真係太潺啦！」

長輩執意要比後生仔女健康，好像要爭強好勝，證明我雖年老，但並非弱不禁風。隨年齡增長，身體狀況在正常情況下，一定會比年輕時差，何必強要認為自己比年輕人強？是不是不想接受自己正在老去？

「係呀，我好潺架，我會多Ｄ鍛鍊身體架啦。」我會如是回答。我一定要給予最多最大的尊重。

起碼，長輩覺得自己健康，一定比多病痛好。